جديد بسوريا

مساعدة ذكية بترد على زبائنك على الواتساب، ليل نهار.

بترد باللهجة السورية، بتحجز المواعيد بالأوقات الفاضية فعلاً، وما بتخترع أسعار. ومعها طمّني بيتابع زبائنك لحالو: تذكير قبل الموعد، شكر بعد الزيارة، ورسالة لما يصير وقت الزيارة الجاية.

للتجربة: الرقم 0900000001 وكلمة السر tammenni-demo

تقويم المواعيد لصالون: مواعيد اليوم لكل موظفة، وعليها «حجزتها سلمى» للمواعيد اللي حجزتها المساعدة تقويم المواعيد لصالون بالوضع الداكن: مواعيد اليوم لكل موظفة
محادثة على الموبايل: زبونة بتطلب موعد، والمساعدة بتعرض وقتين فاضيين وبتثبّت الحجز نفس المحادثة بالوضع الداكن: المساعدة بتثبّت موعد قص شعر مع رنا
المساعدة الذكية · شي جديد بسوريا

زبونتك سألت الساعة 11 بالليل؟ أخدت جوابها وحجزت.

المساعدة بترد على زبائنك على نفس رقم الواتساب تبعك، من المعلومات اللي إنت بتكتبها: خدماتك، أسعارك، أوقات دوامك. وإنت بتشوف كل كلمة، وبتتدخل وقت ما بدك.

  • بترد ليل نهارباللهجة السورية، وما حدا بيضل ناطر لتاني يوم.
  • بتحجز لحالهابس بالأوقات الفاضية فعلاً بتقويمك. بتحجز، بتغيّر، وبتلغي.
  • ما بتخترع أسعار ولا خصوماتبتحكي بس من الأسعار اللي إنت كتبتها.
  • إذا ما عرفت، بتسألكوبتوصّل جوابك للزبون، بدون ما تفتح المحادثة.
  • الشكاوي إلكأي زبون زعلان بتحوّلو إلك، وبيوصلك تنبيه على الواتساب.
  • بتفهم الفويساتالزبون بيبعت فويس، وهي بتفهمه وبترد عليه.
  • بتستلم إنت بأي وقتبتكتب إنت، وهي بتسكت مع هالزبون.
  • جرّبها قبل ما تشغّلهااحكي معها كأنك زبون، وشوف كيف بترد قبل ما توصل لحدا.
زبونة بتسأل عن عرض، والمساعدة بتقلها رح اسأل صاحبة الصالون وبرجعلك، بدل ما تخترع خصم المحادثة نفسها بالوضع الداكن
سألتها عن خصم؟ ما بتخترع.بتسألك إنت، وبترجع للزبونة بجوابك.
صفحة المحادثات: شكوى على لون صبغة، المساعدة اعتذرت وحوّلتها لصاحبة الصالون، وفي زر «استلم أنا» صفحة المحادثات بالوضع الداكن
شكوى؟ بتوصلك إنت.بتعتذر من الزبونة، بتعلّم المحادثة «بدها رد منك»، وبيجيك تنبيه. وبكبسة «استلم أنا» بتكمّل إنت.
المتابعة التلقائية

ما في زبونة بتنتسى.

كل زبونة إلها مرحلة، وكل مرحلة إلها رسالتها. طمّني بيبعت الرسالة بوقتها، وبيوقف لحالو أول ما الزبونة تحجز. وكل ما إجت زيارة جديدة، بتبلش الدورة من أول.

  • زبون جديد
  • حجز موعد
  • زارنا
  • ما حجز
  1. زبونة جديدة

    ترحيب، مرة وحدة بس

    أهلين ديما 🌿 معك صالون ليلك. إذا حابة تحجزي موعد أو عندك أي سؤال، ابعتيلنا هون.

    انبعتترسالة جاهزة، فيك تعدّلها
  2. قبل الموعد

    تذكير

    مرحبا ديما 🌿 تذكير بموعدك: سشوار بكرا الساعة 4:30 مع رنا. إذا بدك تغيّري أو تلغي، ردّي علينا هون.

    بوقت الدوامبتوقيت دمشق
  3. بعد الزيارة

    شكر

    نورتينا اليوم ديما 🌿 شكراً لأنك اخترتي صالون ليلك. إذا عندك أي ملاحظة ابعتيلنا، رأيك بيهمنا.

    لما تعلّم «إجت»من التقويم
  4. بعد 25 يوم

    دعوة للزيارة الجاية

    مرحبا ديما 🌿 صار وقت الزيارة الجاية؟ ابعتيلنا اليوم اللي بيناسبك ومنحجزلك.

    المساعدة بترد وبتحجزفيك تغيّر المدة
  5. رجعت حجزت

    ديما صارت بمرحلة «حجز موعد»، فالمتابعة وقفت لحالها، ورح يوصلها تذكير قبل موعدها الجاي.

نظام الصالون

كل شغل الصالون، من شاشة وحدة.

مواعيدك، خدماتك، فريقك، ومحادثات الواتساب كلها، بمكان واحد وعلى تلفونك.

أسعارك وخدماتك، منك وبس

بتكتب كل خدمة بسعرها وقديش بتاخد وقت، ومين من الفريق بيعملها. منها بيطلعوا الأوقات الفاضية، ومنها بترد المساعدة.

صفحة الخدمات والفريق: قص شعر، سشوار، صبغة، كيراتين، مانيكير، بسعر ومدة كل خدمة صفحة الخدمات والفريق بالوضع الداكن

بتعرف مين إجا ومين رجع

  1. حجزت موعدبتنتقل لـ«حجز موعد»
  2. علّمت «إجت»بتنتقل لـ«زارنا» وبينبعت الشكر
  3. بعد 25 يوم«صار وقت الزيارة الجاية؟»

بكبسة من التقويم بتعرف مين زارك، ومين ما حجز، ومين لازم تذكّره يرجع.

كلو من تلفونك

المواعيد والمحادثات والزبائن على الموبايل، حتى ربط الواتساب بكود ربط من نفس التلفون.

تقويم مواعيد الصالون على شاشة الموبايل تقويم مواعيد الصالون على الموبايل بالوضع الداكن

رقمك محمي

بيبعت بس بساعات دوامك بتوقيت دمشق، بفواصل متل البشر، مع حد يومي، و«عم يكتب…» قبل كل رسالة.

ساعات الإرسال09:00 – 21:00
بين رسالة ورسالة35 – 90 s
قبل كل رسالةعم يكتب…

زبائنك القدام معك

ارفع ملف Excel، والأرقام السورية بتنفهم بأي شكل انكتبت.

0944 123 456مفهوم
+963 944 123 456مفهوم

رسائل جاهزة بلهجتنا

قوالب باللهجة السورية باسم الزبونة واسم محلك، وفيك تعدّل أي كلمة.

أكتر من رقم؟

كل رقم واتساب إضافي بـ$10 بالشهر، ومنضيفه نحنا. وإذا وقع رقم، الرقم التاني بيكمّل عنه.

رقم الصالونمتصل
الرقم التانيجاهز يكمّل
أنظمة لكل شغلة

كل نوع شغل إله نظامه.

الصالون بدو مواعيد، والمطعم بدو طلبات. لهيك ما في نظام واحد للكل: كل شغلة بتاخد نظام مبني على طريقة شغلها، ومعه المساعدة الذكية.

جاهز هلق

صالونات التجميل والحلاقة

  • تقويم مواعيد لكل موظف
  • الخدمات بأسعارها ومدتها
  • أوقات الدوام والأعياد ورمضان
  • تذكير قبل كل موعد
  • شكر بعد الزيارة، ودعوة للزيارة الجاية
  • كل محادثات الواتساب بمكان واحد
  • المساعدة بتحجز لحالها
  • جولة بتشرحلك كل صفحة
اطلب حساب لصالونك
قريباً

عيادات أسنان وجلدية وتجميل

مواعيد لكل طبيب واستمارة قصيرة قبل الزيارة. المساعدة بتحجز وبتجاوب عن الأسعار والعنوان، بدون أي نصيحة طبية.

قريباً

تأجير سيارات

السيارات بسعرها اليومي والأسبوعي وتوفرها بالتاريخ. المساعدة بتعطي السعر للمدة، بتتأكد من التوفر، وبتاخد حجز مبدئي.

قريباً

طاقة شمسية وبطاريات

المساعدة بتسأل عن الأجهزة وساعات التشغيل والمنطقة، بتقترح باقة تقريبية، وبتحوّل الزبون إلك للسعر النهائي والكشف.

قريباً

معاهد تدريب ولغات

الدورات بمستوياتها ومواعيدها ومقاعدها. المساعدة بتشرح الدورات، بتساعد باختيار المستوى، وبتسجّل الطلاب.

قريباً

مطاعم وحلويات ومخابز

المنيو بأسعاره ومناطق التوصيل. المساعدة بتاخد الطلب كامل، بتحسب المجموع، وبتبعتلك ياه.

شغلك من الأنظمة الجاية أو مو بالقائمة؟ احكي مع شام وسجّل اسمك، وفريق مُحْكَم بيتواصل معك أول ما يجهز.

السعر

سعرين بس، شهرياً.

لكل أنواع الشغل نفس السعر. نظامك بيتحدد حسب شغلك.

طمّني

$20بالشهر

كل النظام، وإنت بترد على زبائنك بنفسك.

  • نظام مبني لشغلك (الصالونات جاهزة)
  • رقم واتساب واحد، بينربط من تلفونك
  • مراحل ورسائل ومتابعات تلقائية
  • تذكير قبل الموعد وشكر بعد الزيارة
  • كل المحادثات بمكان واحد
  • قوالب باللهجة السورية، واستيراد من Excel
اطلب حسابك

طمّني + المساعدة الذكية

جديد بسوريا
$50بالشهر

كل شي بالباقة الأولى، وفوقه مساعدة بترد عنك.

  • بترد على زبائنك ليل نهار باللهجة السورية
  • بتحجز وبتغيّر وبتلغي المواعيد لحالها
  • ما بتعطي سعر أو خصم من عندها
  • بتسألك لما ما بتعرف، وبتحوّلك الشكاوي
  • بتفهم الفويسات
  • بتجرّبها قبل ما تشغّلها، وبتستلم عنها بأي وقت
اطلب حسابك مع المساعدة

كل رقم واتساب إضافي $10 بالشهر

الدفع شهري، ومباشر مع فريق مُحْكَم

أسئلة أصحاب المحلات

في سؤال تاني؟ اسأل شام، بترد خلال ثواني.

لازم أفهم بالتكنولوجيا؟
لا. فريق مُحْكَم بيفتحلك الحساب، وإنت بتربط الواتساب من تلفونك بكود ربط أو QR، وبتكتب خدماتك وأسعارك وأوقات دوامك. وجوّا التطبيق في جولة بتشرحلك كل صفحة. وإذا علقت بشي، شام أو الفريق بيساعدوك خطوة بخطوة.
رقمي رح ينحظر؟
ما حدا بيقدر يضمن هالشي مع واتساب. بس طمّني مبني ليحمي رقمك: بيبعت بس بساعات دوامك، بفواصل متل البشر، مع حد يومي، و«عم يكتب…» قبل كل رسالة. وأفضل حماية إنك تراسل زبائن بيعرفوك.
شو إذا المساعدة غلطت أو ما عرفت؟
هي بتحكي بس من المعلومات اللي إنت كتبتها: خدماتك وأسعارك وأوقاتك. ما بتخترع سعر ولا بتعطي خصم، وما بتحجز إلا بوقت فاضي فعلاً. إذا ما عرفت الجواب بتسألك إنت، وبتوصّل جوابك للزبون. والشكاوي بتحوّلها إلك مع تنبيه على الواتساب. وقبل ما تشغّلها، فيك تجرّبها وتشوف كيف بترد.
بقدر رد أنا بأي وقت؟
أكيد. بتستلم أي محادثة بأي وقت، من التطبيق أو من تلفونك مباشرة، والمساعدة بتسكت مع هالزبون. ولما بدك، بترجّعلها المحادثة بكبسة.
كيف ببلّش، وقديش بياخد وقت؟
احكي مع شام هون أو على الواتساب، وفريق مُحْكَم بيتواصل معك ليفتحلك الحساب. بعدها بتربط رقمك من التلفون، وبتضيف خدماتك وفريقك وأوقاتك. الوقت بيعتمد على قديش عندك خدمات، والفريق بيرتّب معك كل شي.
كيف بدفع؟
الدفع شهري ومباشر مع فريق مُحْكَم. منتفق معك على الطريقة لما نجهّز حسابك.
بيشتغل إذا النت عندي ضعيف؟
إيه. التطبيق خفيف ومعمول للنت البطيء. والرسائل والردود بتنبعت من عنا كجهاز مرتبط بواتساب، فبتمشي حتى لو تلفونك مسكّر أو النت عندك ضعيف. بس خلّي تلفونك يتصل بالنت مرة كل كم يوم، لأن واتساب بيفصل الأجهزة المرتبطة إذا غاب التلفون فترة طويلة.
اطلب حسابك

احكي مع شام.

شام هي المساعدة الذكية تبعنا، ونفسها على الواتساب. اسألها أي شي عن طمّني، وإذا حبيت تبلّش، بتاخد معلوماتك وفريق مُحْكَم بيتواصل معك ليفتحلك الحساب.

  • بترد خلال ثواني، بالسوري أو بالإنكليزي.
  • هي نفسها مثال حي عن المساعدة اللي رح ترد على زبائنك.
  • بأي وقت فيك تطلب تحكي مع حدا من الفريق.
ش
شاممساعدة طمّني الذكية
احكي مع شام